8. Quinterii tumulo

Quos fletus aut quae tibi sum lamenta daturus,

      Quinteri, ignoto mox tumulande solo,

Et caros posthac nunquam uisure sodales

      Et gemitu matris non doliture pio?

5

Namque iaces talisque iaces, certe ipse putaram

      Semper in hoc uiolas, hoc fore in ore rosas.

At contra immitis tulit inclementia fati

      Et dedit inuisis cuncta fruenda rogis.

Quare quod possum, uos flammae, deprecor unum,

10

      Mitior huic uni uester ut ardor eat.