Angelo Poliziano epigrammata, 82

Reference basis text: I. Del Lungo, 1867

Editing of the digital edition: Federica Giacomin


82. in Domitium

Adsta, viator: pulverem vides sacrum,

Quem vorticosi turbat unda Benaci.

Hoc mutat ipsum saepe Musa Libethron

Fontemque Sisyphi ac vireta Permessi,

5

Quippe hoc Domitius vagiit solo primum;

Ille ille doctus, ille quem probe nosti,

Dictata dantem romulae iuventuti,

Mira eruentem sensa de penu vatum.

Abi, viator: sat tuis oculis debes.