62. in Chrysocomum
Aspicis ut fulvo radiat coma pressa galere,
Vt nitido Phoebi sidere pura micat.
Tam bene callaicis liquidum fornacibus aurum,
Tam bene nec fusis fulget Apollo comis.
5
Sed quid ago? En crinem penitus vultumque retexit
Chrysocomus, iam non invidet hora mihi.
O ego ter foelix! Ergo haec... mihi fas est
Cernere? Sunt sunt haec sidera non oculi.
Nil me fallis, Amor; clausum hoc te lumine cerne
10
Iniicere arcanas in mea corda faces.