26. ad Laurentium Medicem, pro sacerdotio
accepto in templo divi Pauli,
cum adhuc sub iudice lis esset

Gratatur, Laurens, venienti nuper in urbem

      Quantum hominum tota vivit in urbe mihi.

Vtque omneis taceam studium quos copulat aut tu,

      Quosque vetus nobis vinxit amicitia,

5

Caupo, auces, lanius, pistor, cocus, institor urgent;

      Hinc me ungit tactu fartor, at inde cocus:

Hic me veste trahit, hinc basior, inde salutor;

      Occurro his vultu, lumine, voce, manu.

Gratamur, Paulum quod habes. - Vox omnibus haec est.

10

      Non habeo paulum - dico. Quid ergo? - Nihil. -