22. in Demetrium cretensem
et Dionysium Paravisinum,
graecorum voluminum impressores
Qui colis Aenidas, graios quoque volve libellos;
Namque illas genuit Graecia non Latium.
En Paravisinus quanta hos Dionysius arte
Imprimit, en quanto cernitis ingenio!
5
Te quoque, Demetri, ponto circumsona Crete
Tanti operis nobis edidit artificem.
Turce, quid insultas? Tu graeca volumina perdis;
Hi pariunt. Hydrae, nunc age, colla seca.