Angelo Poliziano epigrammata, 3

Testo base di riferimento: I. Del Lungo, 1867

Cura dell'edizione digitale: Federica Giacomin


3. ad eumdem

Dum cupio ingentes numeris tibi solvere grates,

      Laurent, aetatis gloria prima tuae,

Excita iamdudum longo mihi murumure, tandem

      Adstitit arguta Calliopaea lira.

5

Adstitit; inque meo preciosas corpore vestes

      Vt vidit, pavidum rettulit inde pedem,

Nec potuit culti faciem Dea nosse poetae

      Corporaque in tyrio conspicienda sinu.

Si minus ergo tibi meritas ago carmine grates,

10

      Frustrata est calamum Diva vocata meum.

Mox tibi sublato modulabor pectine versus,

      Cultibus assuerit cum mea musa novis.