26. ad Carolum regem Francorum

Si tibi, rex, longinqua dies ac tempus amicos

      Praestat et hic unus sensibus haeret amor,

Quis negat extremis numerandum infraque receptos,

      Cuius adhuc notum vix bene nomen habes?

5

At, si certus amor moresque in amante probantur

      Et placet in duris nobilitata fides,

Crede mihi, quamvis addas, rex optime, primis,

      Ille novus primis non inhonestus ero.