22. de Mathia Corvino rege Vngariae

Legibus imperioque aucto bellique domique,

      Vix reliquus laudi iam locus ullus erat;

At, postquam Aonidum studia accessere benigna,

      "Vlterius" dixi "nil dare cura potest".

5

Vlterius das ipse tamen, crescenteque passim

      Plebe nova, e proprio tecta domosque paras.

Sic ope, sancte, tua, patriae pater, undique leges

      Crescunt, regna, artes, plebs nova, tecta nova.