34. epitaphium Annibalis

"Cuius hic est tumulus? quae tu, rogo, et unde verendas

      Tunsa genas, crinem sic laniata sedes?"

"Annibalis cinerem sacrum aspicis; ast ego Enyo

      Fata viri et casus hic queror immeritos,

5

Quem, Roma devicta, odio invidiaque suorum

      Tam procul a Lybia terra Libissa tegit:

Non tamen, Annibalis opera nisi et ense superbo,

      Annibalem potuit perdere Parca nocens."