13. de Dante Aligero

"Quis sacer hic, Erato, vates, dic, aurea." "Dantes

      Aliger." "At vocis quod genus et numeri?"

"Vox patria illa; viro numeros sine nomine nuper

      Miserat auctoris Sicilis Aetna sui."

5

"Materiam nunc ede." "Animarum horrenda piacla,

      Quodque iter ad superos, ad Styga quodque ferat."

"Vnde domo?" "Veterem agnoscit Florentia alumnum."

      "Ecquae tot merces dotibus?" "Exilium."

Heu sortem indignam et virtutibus invida saecla,

10

      Quamvis, cui virtus contigit, et patria est!