37. de Venere et Maximiliano Caesare

Dum neque Gradivum neque vult dimittere Adonin

      Diversique unam Marsque puerque trahunt,

Incidit in mentem Caesar: tunc prosilit amens

      Cypris, et "Hic nobis" dixit "utrunque dabit!"

5

Dixit, et iniectis hederae de more lacertis,

      Mille dat amplexus, oscula mille viro.

At Mars "Vincor" ait, "sed certe vincor ab illo,

      Armatum vinci qui prius edocuit."