5. de Maximiliano Caesare

Rex legum iurisque dator placidaeque quietis

      Ceperat hostili percitus arma dolo;

Iamque truces bello Morinos concusserat acri

      Et dederat famulas Tabula victus aquas,

5

Cum subito fractosque animi veniamque precantes

      Non tulit ulterius mens generosa viri

Inque fidem et veteris accepit foedera pacis:

      Nil ultra victus quod dare posset erat!

Quaerenti hostilem gentem cur perdere nollet,

10

      Rettulit: "Vt victis parcere saepe queam."