Michele Marullo epigrammaton libri 1, 39

Reference basis text: A. Perosa, 1951

Editing of the digital edition: Ketty Peruch


39. epitaphium Philippi Marulli avi paterni

Siste, hospes, atque haec verba, si placet, lege

(Neque enim rogamus nisi lubentem quempiam):

Ego Philippus hic Marullus contegor.

Posuit superstes filius Manilius

5

Vxorque Thomae. Hoc satis. Caetera alii:

De se Marullo proloqui ulterius nefas.