146. ad Candidam puellam

Candida candentes inter numeranda columbas,

      Candida candenti conspicienda coma.

Candida dextra tibi est, frons candida, candida cervix,

      Candidulaeque manus, candidulique pedes.

5

Collum vincit ebur, vincunt chrystalla lacerti;

      Vincunt candentes lilia cana genae.

Phoebaeus tibi cedit olor, ceduntque pruinae,

      Cedit Erithreis eruta gemma vadis.

Sed niger est cunnus, nigrorum est silva pilorum;

10

      Hoc nisi te laedat, candida tota fores.