57. ad Paulum

Carmina nostra probas, solvam te legibus aequis,

      Nil nisi verba refers, nil nisi verba dabo.

Me donis donas; contra quae munera mittam?

      Heu fortuna meas nubila pressit opes.

5

Carmina quid reddam Musarum et Apollinis expers?

      Non bene pro magno munere verba damus.

Ergo animum dono, gemmas qui vincit et aurum,

      Semina sic duplici foenore reddet ager.

Nam sors regna potest fulvique auferre metalli

10

      Pondera; sors animum, Paule, movere nequit.