Panfilo Sasso epigrammaton libri 3, 78

Testo base di riferimento: M. Dussin, tesi di laurea Università degli Studi di Padova, 1987-88

Cura dell'edizione digitale: Ketty Peruch


78. in Mancinum

Quo, Mancine, ruis praeceps? Te fata sequuntur

      Auspiciis miserum perniciosa malis.

Nam quo te dicunt sub se fert nomen iniquum

Desidiam, luxus, vulnera, damna, faces.

5

Iam dudum Stygii monstris furialibus Orci

      Devotum cunctis et grave numinibus.

Ex cavea pulli fugiunt, Mancine, sonora

Et vox sydereo clamat ab axe mane.

Et violentus adhuc forti pugnare duello

10

      Quaeris et infausta bella movere manu,

Cum Colla certare putas; est numen in illo,

Gonziaci vires imperiumque ducis.

Sunt leges, sunt iura. Cades, Mancine, sub armis.

      Impia nam semper qui petit arma cadit.