65. in Vitellum

Titonii croceum senis cubile,

Aurora aurigeris comis refulgens

Iam surgit roseosque clara vultus

Ostendit, Phaetontis et citatis

5

Currunt flammigeri rotis iugales,

Et tu stertis adhuc, miser Vitelle.

Tractant causidici forense bellum,

Actor sollicitos vocat clientes,

Et tu stertis adhuc, miser Vitelle.

10

Thermarum sonat aes, lavamur omnes;

Flet tristis Pharium bovem sacerdos

Et tu stertis adhuc, miser Vitelle.

Lauti prandia praeparant ministri,

Ad mensam veniunt dapes secundam

15

Et tu stertis adhuc, miser Vitelle.

Te non ergo, velut decet, "Vitellum"

Vllus sed "vitulum" vocet "marinum";

Es tu nam vitulus, nec es vitellus.