Panfilo Sasso epigrammaton libri 1, 40

Testo base di riferimento: M. Dussin, tesi di laurea Università degli Studi di Padova, 1987-88

Cura dell'edizione digitale: Ketty Peruch


40. Ludovico Cendratae

Duxerunt alios ad me mea carmina, non te;

      Ad te namque tuo nomine ductus eram.

Praetorem vidi, vidi te numen habentem,

      Te non praetorem vidimus ore tuo.

5

Inter tot facies te solum nostra videbant

      Lumina: nam solus lumine clarus eras.

Cum sol lumen agit non sydera clara videntur,

      Parva locum magnis lumina dant radiis.