Panfilo Sasso carmen ad Onophrium

Testo base di riferimento: Bernardino Misinta, 1499-1500

Cura dell'edizione digitale: S. Di Brazzano


[Pamphili Saxi poetae lepidissimi

      Ad Onophrium aduocatum patricium Venetum

Ac equitem magnificentissimum carmen]

 

      Quod dico maternum: tibi non dico carmen Onophri

5

Quae mea Musa Canit tu tibi scripta dicas.

      Scripta dicas: Veneti celebrant quae signa leonis:

Quae ducis Augusti sceptra beata Canunt.

      Scripta dicas: celebrant quae Marcum: numina Marci

Nam colis: ut Marcus se colit et celebrat:

10

      Si totum posses clausisses pectore Marcum:

Pectore te totum qui ualet ille tenet.

      Contineas in te quum nil nisi numina Marci

Quaeque sibi Marcus tu tibi Marce dicas.