6.
Heus tu, qui spectris oculos depascis inanis
Picturae, huc Ciuis, seu peregrinus ades:
In qua spectatur qualis Iammeia Virgo,
Virgo Dei Genitrix fertur ad astra Poli.
5
Scito etiam Salomes Raunachae gentis alumnae
Non procul hinc pariis ossa subesse locis.
Haec ait emoriens: Coniux Federice ualeto:
Dum tibi cara fui, Tu mihi carus eras.
Nunc alio me fata uocant: Tu Caesaris urbem
10
Hanc regito, et cari pignora coniugii.
Postquam decedes, Lethaeos neglige fontes.
Si nostrum amplexum quaeris, in Astra ueni.
Hoc igitur cara Durer pro coniuge fecit
Argumentum ingens, et pietatis opus.