40. Plauti Menechmi
Plautinos etiam iuvenes egere Menaechmos,
Aetate ac forma, gestibus, arte pares;
Quaelibet implevit numeros persona decentes:
Viderat haud similes scaena vetusta sales.
5
Gesserunt gemini mire sua munera fratres
Messenioque vices Peniculusque suas;
Sed me nulla rei tenet admiratio tantae
Ingentique istas non ego miror opes,
Hi quod ab eximii veniunt incude magistri
10
Et rari exempli vatis ab arte fabri.
Roma, magis facta es sic ingeniosa poetis,
Vt magis es Sexto facta sedente potens.