4.

Pigra sub extremo veniunt epigrammata sole

      Et pudor in seram distulit illa diem,

Nam sub Apollineo venturum lumine carmen

      Abditur et docti iudicis ora timet.

5

Accipies igitur nec primo pressa sub ungue

      Carmina, nec placida condita desidia;

Nam male cum Musis et cum Permesside lympha

      Turbida Strymonii gurgitis unda venit.

Haec inter strepitus agitataque condimus arma

10

      Territaque insueto est nostra Thalia sono:

Quicquid sint, placida tibi talia mente dicamus‚

      Talia sic placida tu quoque mente cape.