Giorgio Sisgoreo carmina 2, 25

Reference basis text: V. Gortan, 1966

Editing of the digital edition: S. Di Brazzano


25. ad Franciscum

Lux, Francisce, aderit natalis crastina nostri,

      O mihi iucundam terque quaterque diem!

Dimidium cordis libeat, Francisce, venire,

      Natalem faustum si cupis esse meum.

5

Certe Castalie venient mea turba puelle

      Nympharumque chorus florida scerta ferens

Et Charites venient pulsantes ter pede terram,

      Sed mihi nil sine te posse placere puto.