17. ad Franciscum Istrum

Hei mihi, cur laceras discedens pectora nostra,

      Eurialos inter semper habende meos?

Sollicitat te dulcis amor, Francisce, tuorum

      Carior et vita forsan amica tua.

5

I celer, et facilem donent tibi numina cursum,

      Vt patrios valeas sospes adire lares.

Te tua gaudebit perfoelix sospite tellus;

      Quales amplexus oscula quotque dabunt!

Tunc mea Musa tibi pro me dabit oscula; ne sis

10

      Immemor, a, nostri, basia Musa dabit.