Praefatio ad Laurentium Medicem

Si quondam nostrae lusus placuere iuventae,

      Nec tibi lascivi displicuere sales,

Qui teneros elegos lusi puerilibus annis,

      Dum merui castris, saeve Cupido, tuis,

5

Hunc lege, Laurenti, graviori carmine librum,

      Materia vires exsuperante meas.

Regia magnanimi nunc est cantata Tonantis,

      Versibus heroicis intonuere poli,

Astrorumque faces cecini sedesque beatum

10

      Divorumque hortos sidereumque nemus.