9. in celebritate conceptionis
gloriosae Virginis Mariae
Hac concepta die caeli regina Maria,
Hac hominum spes est, hac sata luce salus.
Quis non letitiae cunctas efundet habenas,
Virginei foetus annua sacra colens?
5
Foelices tedae flamis arsere coruscis:
Foelix ante omnes Virginis Anna parens,
Foelices thalami! Quae concepere Mariam,
In cuius fusa est manna superna sinu.