46. in maledicum qui putabat rem facilem
esse poetam bonum
Esse putas parvi ingenii componere versus?
Non nego, sed magni est scribere multa bene.
Egregius vates multum sudavit et alsit;
Abstinuit Baccho, vix sibi nota Venus.
5
Saepe vigil totam scribendo carmina noctem
Ducit; pro molli bibliotheca toro est.
Non est vendibilis, non mercennaria virtus
Est poesis; solum praemia fama datur.
Invigilant studiis nulli, si praemia demas;
10
Munere sublato, non iuvat ipse labor.