131. ad Cosmicum

Quid colere Aonias, Cosmice, Pierides

Quidve iuvat lepidos scribere versiculos?

Vis fieri vates? Collige divitias.

Namque tribus nummis venditur Ovidius,

5

Virgilium solus dat tibi denarius,

Carmina dant magnae quattuor Iliados.

Quaevis prisca chelys vatis et ingenium

An nescis assis unius in pretio?

Dormiat, ut primum sidera non latitant,

10

Vncta lucerna tuo, Cosmice, gymnasio

Et tibi cum Baccho serviat alma Ceres.