44. ad Caesarem

Non ego depositis videas gravioribus opto,

      Quas mea Musa tibi dictat, ineptiolas,

Nec puto ducatur vacui tibi temporis hora,

      Credita nam rerum portio magna tibi.

5

Fercula sed postquam removerunt prima ministri

      Et properant celeri ferre secunda pede,

Has poteris nugas anima percurrere sola

      Atque aliis horti iungere poma mei.

Quodsi tunc etiam parvis tua cura negatur,

10

      Haec tibi, quae misi, somnia vana puta.