38. ad Glaucum

Quintia Piceni misit mihi palmitis uvas

      Et poma Herculeo digna labore peti.

His et castaneas, quales Amaryllis amabat,

      Iunxit et e Tusco stipite lecta pira

5

Et saturas Vmbro iam dudum lacte mariscas

      Malaque quis nomen Punica terra dedit,

Omnia vimineo pariter velata canistro,

      Dixit et autumni munera parva sui.

Ast ego: "Non tanti sunt autumnalia dona;

10

      Autumnum calathus detulit iste mihi".