135. in Cratidianum captatorem

Si vicibus centum totidemque occurris in hora

      Das mihi confestim, Cratidiane, manum

Tanquam me decimo tum demum videris anno

      Extremo rediens serus ab oceano;

5

Idque facis seu bruma riget, seu ferveat estas,

      Et primo et medio deciduoque die;

Cum propero, cum tarda pedes vestigia ponunt,

      Cum solus meditans, cum comitatus eo.

Non est pena levis totiens tractare rigentem

10

      Sudantemve manum, Cratidiane, tuam.

Desine putidius scurra captare guloso.

      Non manus at virtus servat amicitiam.