113. Sbigneus Episcopus ad Callymacum

Divitias poscis reddas ut carmine surdam

      Quam cupio patulis auribus atque animo:

Quid mihi versiculis opus est doctaque Thalia

      Auriculas domine rumpere si cupiam?

5

Id melius gratis possent estate cicade,

      Aut etiam rane, garrula turba, dare.

Versibus Aoniis dominam mulcere laboro

      Vt veniat votis obsequiosa meis;

Hoc mihi si dederis, si mitem carmine reddes,

10

      "Accipe" iam dicam divitiasque dabo.