1. Angelo Policiano
Christi atque Musarum sacerdoti sanctissimo
Angele, cum semper Foebo sic coeperit olim
Musa volente dea docte favere tibi,
Nec prius abstiterit fieres quam primus eorum
Graecia quos habuit, quos habuit Latium,
5
Inde Iovem simili spero ratione futurum
Ante tibi Foebo qua musa duce fuit.
Nam cum principium sacri tibi dedat honoris
Et bonus in canones te velit esse suos,
Non prius absistet tibi quam bona summa petenti
10
Sit datus ex merito pontificalis honor.