Naldo Naldi epigrammaton liber, 171

Testo base di riferimento: A. Perosa, 1943

Cura dell'edizione digitale: M. Rossi


171. ad Iohannem Guidum Florentinarum legum
conditorem atque octovirum designatum

Quam bene qui summas rerum modo tractat habenas

      Vrbis custodem te facit ipse tuae,

Officium cuius, nequod scelus extet inultum,

      Nequod item gravius fiat in urbe nefas,

5

Quod fas, quodve pium, populo servetur ut omni,

      Vt vetitum sit, quod lege vetatur, opus.

Nam mage servandas quis curet in omnia leges,

      Quis mage servandi iuris amicus erit,

Quam tu, qui scribis leges, qui iura ministras,

10

      Quique viris mores ponis in urbe probos?