162. ad Laurentium Medicen

Si mihi pontificis persona gerenda daretur,

      In ditibus cunctis dum mihi vita foret,

Non tanti facerem, Medices, neque tanta putarem

      Munera pontificum, sint ea summa licet,

5

Vno quanta putem duce te dimensa duobus

      Mensibus in dominos tempora agenda novos.

Nanque potes tantum, tantum sapis, optime rerum,

      Maius ut hoc, quod agis, sit nihil, aut melius.