Naldo Naldi epigrammaton liber, 152

Testo base di riferimento: A. Perosa, 1943

Cura dell'edizione digitale: M. Rossi


152. ad Laurentium Medicen

Quid mirum est, Medices, si nunc satis aurea fulget,

      Quam des usque tuis, sculpta moneta tibi:

Aureus es totus; surgit de pectore virtus

      Aurea, sunt mores, aureus est animus.

5

Vnus abest honor inde tibi, quod non ea nunc sunt

      Aurea, quae tibi nunc carmina pauca fero.

At, si quod ceptum per te mihi constet in aevum,

      Ac me, quem dederas, usque sequatur honos,

Aurea verba fluent: nequid tibi desit ab auro,

10

      Aurea conscribam carmina multa tibi.