Naldo Naldi epigrammaton liber, 88

Testo base di riferimento: A. Perosa, 1943

Cura dell'edizione digitale: M. Rossi


88. ad Bartholomeum Benvenutum iuvenem eruditissimum

Consilio nuper Venetas accessimus urbes

      Nobilis Illyrici quas habet unda maris.

Sed non inde dari poterit mihi magna voluptas,

      Gaudia nec poterunt integra mente capi,

5

Cum procul hinc absis, decus et tutela sororum,

      Quas Aganippeis amnis inundat aquis.

Quare, si quod erit iustum fierique licebit,

      Te rogo, cura tibi si tua posse dabit

Vt fruar ingenio tam, Bartholomee, benigno,

10

      Huc celer in Venetos, docte, redito Lares.