Naldo Naldi epigrammaton liber, 77

Testo base di riferimento: A. Perosa, 1943

Cura dell'edizione digitale: M. Rossi


77. ad Nicolaum sacerdotem Hectoris Foriliviensis fratrem

Tindaridae veluti toto splendentia caelo

      Astra micant, nautis semper amica bonis,

Sic, Nicolae, micas caro cum fratre per urbem

      Flamineam, doctis portus et aura viris.

5

Hector at urbanis frater rebusque gerendis

      Instat, ut inde suus sydera tangat apex,

At tu, divinos cum relligionis honores

      Attingas, famae consulis inde tuae.