49. ad Laurentium Medicen

Imperium multis tribuerunt fata supremum,

      Saepe sed hi faciunt quod potuere minus,

Acrius ingenium desit quia viribus amplis,

      Vt quod quisque valet non agat inde tamen.

5

At modo cui rerum fato data summa potestas,

      Cui datur ingenio vincere quenque tuo,

Vt quaecunque voles eadem pia fata sequantur -

      Sic sapis, o Medices, omnia sicque potes -:

Te rogo, Laurenti, quae scis bona, quae potes, ante

10

      Quam nos Parca rapit, constituisse velis.