Naldo Naldi epigrammaton liber, 45

Testo base di riferimento: A. Perosa, 1943

Cura dell'edizione digitale: M. Rossi


45. ad Laurentium Medicen

Siquid avo debes, siqua est reverentia patri

      Debita, si Musis debitus extat honos,

Hos lege, quos versus Erato dictavit amanti:

      Praescripsit monitis haec mihi diva suis,

5

Vt canerem Cosmumque prius Petrumque parentem,

      A te siqua petens obtinuisse velim.

Nam fore dicebat, sequerer si iussa monentis,

      Vt legeres oculis carmina nostra bonis.

Cui cum paruerim, facias decet ista libenter:

10

      Est dea, quae de te vaticinata mihi.

Quod, nisi Cosmus avus, nisi me pater ipse iuvabit,

      Proderit atque mihi nunc nisi Musa volens,

Laurenti, non est quod iam implorare queamus,

      Ferre nec ulterius quod mihi possit opem.