Naldo Naldi epigrammaton liber, 37

Testo base di riferimento: A. Perosa, 1943

Cura dell'edizione digitale: M. Rossi


37. ad Laurentium Medicen
carmen de laudibus Simonettae morientis scribentem

Extant signa quidem sis cur, Simonetta, nitenti

      Iuncta polo, veluti qui cecinere ferunt.

Sed nihil est, vero quod nunc mage congruat ipsi,

      Aut te divinam quod probet inde magis,

5

Quam facit ingenio Medices Laurentius acri,

      Dum caeleste tibi cantat in esse decus.

Nam, te cum videat superos habitare Penates

      Et numerum nitidis addere syderibus,

Divinum sacro carmen tibi protulit ore,

10

      Vt tuus ex merito sic celebretur honos.