Naldo Naldi elegiae ad Laurentium Medicen 3, 26

Testo base di riferimento: L. Juhász, 1934

Cura dell'edizione digitale: F. Boschetti


26. ad Laurentium Medicen de Lucretia eius filia

Credimus historiae si quid, Lucretia priscis

      Exemplar summi casta pudoris erat;

Temporibus nostris etiam Lucretia mater

      Vna pudicitiae gloria summa fuit.

5

At modo, cum nuper Romano a sanguine creta

      Sitque tuo, Medices, orta puella tibi,

Antiqui referat quae nomina sancta pudoris,

      Quae simul et matris nomina sacra tuae,

Vt puto, si vitae non fila abrupta trahantur,

10

      Castior una tibi nata duabus erit.