Naldo Naldi epigrammaton liber, 34

Reference basis text: A. Perosa, 1943

Editing of the digital edition: M. Rossi


34. ad Iohannem ...

Gratulor ingenio tot maxima facta gerenti,

      Gratulor et studiis, dulcis amice, tuis,

Cum tibi pro meritis tribuat Florentia tantum,

      Dum leges patria condis in urbe novas,

5

Quantum Lacedemon tribuit bene grata Lycurgo,

      Civibus ut sanxit iura tenenda suis.

Hac igitur memorandus eris pietate, Iohannes,

      In patriam dum sol lucis habebit equos.