29. ad Bernardum Bembum legatum Venetum
de persicis ad eum missis, quae superfuerant

Armatus curva quanvis cum falce Priapus

      Arbore servaret mitia poma super,

Non tamen hinc potuit nocturnos pellere fures,

      Quo minus in media persica nocte petant.

5

Et, nisi quod scelus hoc clamasset protinus ille:

      Servantur Veneto qui rapis ista patri!

Omnia clam raperent. Tua sed reverentia, princeps,

      Fecit, ut hi sinerent haec superesse tibi.