Epitaphium diae Leonorae augustae

Ibis ad Augustum lacero, mea musa, capillo,

      Funereamque trahes pulverulenta togam.

Maeroris causam Caesar si forte rogabit,

      Dic: Decus imperii quod Leonora iacet.

5

Cumque redire voles, lacrimans dare, musa, memento

      Maximianeo disticha nostra duci:

Hic Leonora iacet Frederici Caesaris uxor,

      Nunc dea, terrarum quae fuit orbis honor.