Raffaele Zovenzoni Istrias 3, 10

Reference basis text: B. Ziliotto, 1950; 1952-53

Editing of the digital edition: P. Mastandrea


Salutat crucem

Salve, silva meis semper celebranda camenis,

      Silva salutiferam quae paris alta crucem,

Quoius in amplexu victoria nostra pependit

      Christus in Hebrea virgine factus homo,

5

Ille deus magnum nobis qui condidit orbem

      Et pecus et quicquid occidit atque oritur.

Sit tibi perpetuum ver, silva, sit atthide multa

      Cantus, et in variis floribus astra petas.