Raffaele Zovenzoni Istrias 2, 59

Reference basis text: B. Ziliotto, 1950; 1952-53

Editing of the digital edition: P. Mastandrea


Charidemo Mediolanensi

Non possum, Charideme, tuo non angier astro,

      Aut tibi crudeles esse negare deas.

Factus es ingratis musis Helicone relicto,

      Pro dolor, ad populos institor Illyrios.

5

Hoc meruit chartis totiens insudasse latinis,

      Haec fuit, heu, merces? hoc operae pretium?

Adde quod infesto mercaris numine: pennas

      Nummus habet, loculis devolat ille tuis.