Andrae Tarsiae virgini primariae
Pectine flaventem Libyco polit Andra capillum,
Vngit et hunc nardo reticulaque fovet:
Inde petit Veneris sacram vel Apollinis aedem,
Martis ubi pictum cernit adulterium.
5
Hic dolet, hic duras appellat Mulciber artes
Pulcraque de roseis mox fluit unda genis.
Sic lachrymans tristisque redit gravis omnibus illo
Vespere, nec cenat, nec cubat aut vigilat.