Bartholomaeo Brunatio philosopho maximo

Carmina nostra volant totum recitanda per orbem,

      Brunati, fontis gloria Pegasaei,

At tua musa silet, qua nil sapientius omni

      Est Latio: tollat nemo supercilium.

5

Aut quid inauditum tacito sibi cudit in antro,

      Quod lector credet composuisse Iovem?

Id precor, o Parcae, videam, perduret ad illas

      Felices nostrum stamen olympiadas.