Epithalamium Ioannae Tergestinae
Formosam sponsam formoso iungite sponso,
Iuno, Venus, Charites, tuque Cupido puer,
His date fecundam sobolem, date Nestoris annos,
Sint grati superis, sit sua fausta domus.
5
Favit Hymen votis, votisque favete puellae,
Tu Beronica decens, tu quoque Bella soror:
Vos quoque felices pariter gaudete parentes,
Gaudeat et si qua est parvula nata domi.